Falak se aati hain jo gungunaati hui boondein,
Koi badri teri paazeb se takrai hai shayad!!

Mera din chhupa kisi raat mein…..
Meri raat chhupi kisi zaat mein…..
Meri zindagi koi raaz hai…..
Koi raaz hai meri zaat mein!
Main jahan kahin bhi bhatak gaya…..
Main girte-girte sambhal gaya…..
Mujhe thhokaron se pata chala…..
Koi haath hai mere haath mein!!

Main titli ko sula doonga,zaraa tum shaam honay do,

Main jugnu ko jagaa doonga,zaraa tum shaam honay do,

Kahaan aghaaz hota hai,kahan anjaam hota hai,

Hunar saare sikha doonga,zaraa tum shaam honay do!

Mujhe itni mahaarat hai,ki main saaday se lafzon mein,

Tumhein dilkash bana doong,zaraa tum shaam honay do!

Meri nam’naak nazron ko,na dekho tum haqaarat se,

Main tumko bhi rulaa doonga,zaraa tum shaam honay do!!

Mera din chhupa kisi raat mein…..
Meri raat chhupi kisi zaat mein…..
Meri zindagi koi raaz hai…..
Koi raaz hai meri zaat mein!
Main jahan kahin bhi bhatak gaya…..
Main girte-girte sambhal gaya…..
Mujhe thhokaron se pata chala…..
Koi haath hai mere haath mein!!

Tabeeb…..

Dekhi jo meri nabz to kuchh der soch kar,

Kaghaz liya aur ishq ka beemaar likh diya,

Qurbaan kyun na jaaoon main uss tabeeb par,

Nus’khay mein jisne sharbat-e-deedar likh diya!

Tanhaii…..

Rotay hain dil ke zakhm,to hanstaa nahi koi……

Itna fayeda to hai,tanhaiiyon se mujhe………..

Meri khudi…..

Main mayassar nahi hoon khud ko bhi,

Aur wo meri talaash mein phirta hai……..